ALLEENMANDAAT: Die besonderse huis in Kranspoort is uiters uniek, argitektonies modern ontwerp en beplan vir die gesin of paartjie wat hou van hul privaatheid, die buitelewe wil geniet, lief is vir onthaal en die lewe in die natuur ten volle wil ervaar. Dit alles binne 'n beskermende sekuriteitsbeheerde omgewing.
Die vloei van vertrek tot vertrek is moeiteloos en prakties. Vanaf die ingangsportaal na die sitkamer, die kombuis area, uit op die stoep en groot onthaalarea, die swembad en die boma. Hier kan almal saam kuier. Of jy nou om die boma wil kuier, die swembad wil geniet, rustig op die groot stoep sit en kyk na die wildslewe om jou, of in die kombuis staan en kos maak - in hierdie huis is jy deel van die leef en onthaalarea en kan met een oogopslag alles gewaar, van die swembad tot die boma area. Die plan van die huis is goed deurdag en bied u baie...
ALLEENMANDAAT: Die besonderse huis in Kranspoort is uiters uniek, argitektonies modern ontwerp en beplan vir die gesin of paartjie wat hou van hul privaatheid, die buitelewe wil geniet, lief is vir onthaal en die lewe in die natuur ten volle wil ervaar. Dit alles binne 'n beskermende sekuriteitsbeheerde omgewing.
Die vloei van vertrek tot vertrek is moeiteloos en prakties. Vanaf die ingangsportaal na die sitkamer, die kombuis area, uit op die stoep en groot onthaalarea, die swembad en die boma. Hier kan almal saam kuier. Of jy nou om die boma wil kuier, die swembad wil geniet, rustig op die groot stoep sit en kyk na die wildslewe om jou, of in die kombuis staan en kos maak - in hierdie huis is jy deel van die leef en onthaalarea en kan met een oogopslag alles gewaar, van die swembad tot die boma area. Die plan van die huis is goed deurdag en bied u baie privaatheid waar u heerlik kan ontspan en die parkland aangrensend tot u eiendom kan waardeer.
Die woonhuis het 3 slaapkamers waarvan die hoofslaapkamer se badkamer en-suite is met 'n inloop stort, wasbak en toilet. Die twee gastekamers se badkamer het 'n bad, wasbak en toilet. Daar is ook geriewe naby die onthaalarea vir gaste. Die sitkamer het 'n kaggel en stap uit op 'n stoeparea aan swembadkant met oopvou alliminium deure. Die kombuis, sitkamer en onthaalarea is oopplan. Die kombuis het ook 'n aparte opwasarea, quartz blaaie regdeur en 'n eiland. Daar is genoeg pakplek en baie laaie.
Die onthaalarea is groot en ruim en het aan albei kante alliminium opvoudeure. Hier is genoeg spasie vir 'n 2de sitkamerstel/stoepstel asook 'n groot eetkamer tafel of patio stel. Daar is 'n ingeboude braai en 'n wasbak vir gerief. Hierdie onthaalarea/braaikamer is die hart van die huis en vorm deel van die kombuis en oopplan leefarea. Besonders anders en uiters prakties. In hierdie woonhuis voel dit eerlikwaar of mens heeltyd met vakansie is. Daar is 'n swembad en 'n boma area waar u teen die groenstrook area saans om 'n 'kampvuur' kan sit en Kranspoort se naglewe ervaar.
Die dubbel motorhuis is toegerus met elektriese motorhuisdeure en daar is ook 'n loft vir stoorplek. Hierdie area kan ook gebruik word as studio of ekstra slaapplek.
Kranspoort dorp is enig in soort. 'n Stukkie juweel tussen Middelburg en Groblersdal op die N11 en 'n klipgooi van die gewilde Loskopdam. Kranspoort dorp word hanteer as 'n echo estate. Boslewe met gemak. 'n Plek waar kinders nog in strate kan baljaar en mens in die veiligheid van 'n beheerde sekuriteits toegang omgewing kan leef en funksioneer. 'n Dorp met sy eie watersuiweringsaanleg, abbatoir, 9 putjie gholfbaan, 4x4 roetes, staproetes, wild wat vrylik tussen die woonhuise deurbeweeg, 'n Raasblaarsaal wat gehuur kan word vir verjaarsdae en byeenkomste, genoeg piekniekplekke, 'n baie aktiewe jukskei klub, 'n markdag wat gereeld aangebied word, 'n 9 putjie golfbaan en visvang plek. Goeie bestuur en beheer oor paaie en dienste is hier 'n gegewe.
Kontak my gerus vir 'n afspraak om hierdie pragtige huis, aangrensend tot die groenstrook area, te besoek.
Read More
Print
Report Listing
